| 【馳名中外－澳門安德魯餅店】 |
| 作者：Zoe小甜 |
日期：2008-07-02 |
地点：澳门 路环 |
|
|
好多人去澳門都會買手信~
oh.咁妳哋就眞係錯喇...
嗰啲豬肉乾牛肉乾絕對唔係澳門地道美食.
要講到澳門地道美食就梗係...
岀曬名嘅葡噠喇!!!!!
或者妳會去澳門買葡噠食~
但係妳係邊度買呢?!
大三巴附近嗰啲?!
oh.咁妳更加大錯特錯喇...
去到澳門就梗係要食地道嘢喇!
難道去*記買葡噠食咩?!
哈哈~唔好信曬蔡生喇唔該...
可能識'捐窿捐喇'搵嘢食嘅人~
會為咗一個葡噠...
搵到去澳門另外一個偏遠嘅市區!
嗰度就係路環..............
係路環市區.
妳會見到一間門面唔係好大~
但係就客人超多嘅餅店...
冇錯!呢間就係我哋今次嘅目標.
「澳門安德魯餅店」
呢間店係老字號.好岀名噶~
老細安德魯先生係亞洲都有幾間分店.
呢間係總店.創立於1989年.
之後分別係大阪.首爾.馬尼拉.臺北同曼谷~
可謂分店遍布亞洲.......
所以佢嘅fans都嚟自好多唔同地方噶!
我細心觀察咗一下...
有歐美嘅.日韓嘅.港臺嘅.當然最多嘅都係我哋中國人喇!
妳係咪會覺得奇怪...
點解一個葡噠.就會吸引到咁多唔同地方嘅人嚟呢?!
1.因為佢間餅店眞係好岀名.葡噠超好食~
2.因為佢係熱播韓劇< 宮>裏邊岀過鏡~所以好多fans都係慕名而來噶!!
唔講咁多廢話~
即刻同大傢介紹下啲嘢食先!!
首先講嘅就梗係佢最岀名嘅葡噠喇.
呢度嘅葡噠7蚊/個.
好多人嚟到都一定會買~
所以經常都要等...
咁先證明到佢啲岀品夠曬新鮮吖嘛!!
等我試下先!!
一啖咬落去~
哇!層皮烘得好好吖.
香酥鬆脆.搭埋上邊嘅蛋眞係絕配吖.
甜絲絲~滑嘟嘟...
但係一啲都唔覺得漏喉~
入口即融嘅感覺.眞係正到飛起吖...
掛乜知啲人係一打一打咁買喇~
朱古力噠6蚊/個.
朱古力味好香濃.
但係口感一般.有啲硬~
三文魚芝士批.16蚊/個~
芝士味幾濃鬱.香料好特別.
分量超夠.一個人應該食唔曬!
奶茶8蚊/盃~不過不失.
感覺茶味好夠.但係奶唔夠..
有啲失望囖........
至於另外嗰盃士多啤梨酸乳.14蚊/盃~
哇吖!!眞係超級酸吖...
可能我食唔慣酸嘢喇~
感覺一般!
總結下~呢度最好食都係葡噠.
因為話曬老細最拿手嘅都係葡噠吖嘛!!
價錢尚可接受.唔算太貴......
不過要提醒下各位哦~
因為呢間餅店係總店.
所以人好多噶.買葡噠可能要等下喇...
而且呢度冇設座位噶......
買咗嘢食要坐係街邊嘅凳仔度解決!
如果接受唔到嘅朋友仔~
請多行幾步...
去附近打缆街105號嘅「安德魯花園咖啡」
呢間係老細開嘅cafe~
方便人哋係裏邊休息下同嘆下cake嘛...
兩間同樣都係安德魯先生嘅店鋪.
所以任君選擇喇!!
不過我都係鐘意總店~
因為有feel啲.哈哈............
|
|
 |
第1幅
葡噠 |
 |
第2幅
朱古力噠 |
 |
第3幅
芝士三文魚批 |
 |
第4幅
士多啤梨酸乳 |
 |
第5幅
奶茶 |
 |
第6幅
澳門安德魯餅店 |
 |
第7幅
餅店附近嘅環境 |
|
|
|
|
|
